Mi tin 2 yiu homber cu ta bayendo St. Paulus School. Pakiko nos como mayor a kies pa St Paulus School despues di kleuter?

St. Paulus School no ta djis un skol. E ta un famia. E ta un scol cu ta emiti union I seguridad.
Pa nos tawata importante pa laga nos yiunan na un scol unda cu nan lo crece emotionalmente. Esey tawata e motibo primordial di nos escogencia pa e scol basico aki. Un ambiente, unda cu un mucha ta sinti su mes sigur i emocionalmente stabiel, ta e mihor ambiente unda un mucha por desaroya su mes mihor I automaticamente por siña mihor tambe.

Baha mi yiunan na Paulus tur mainta ta dunami un sentimento di trankilidad.
Mi sa mi yuinan ta den bon man. Mi yiunan ta stima nan scol i nan docentenan. Tur hende ta wak pa otro na scol, cosnan cu no ta bai bon ta wordo soluciona mesora. E team di St. Paulus School completo ta wak pa tur mucha na scol. For di e IB-er te na e cabesante di scol. Tur hende ta atende cu tur mucha na scol.

E communicacion cu scol tambe ta sublime. Mi ta aprecia e docentenan cu ta tenemi na altura di tur cos. Niun pregunta no ta dimas pa nan. Mi a maak mee differente docente…i tur semper a communica super cumi y ta stima mi yuinan.

E calidad di enseñansa tambe ta un motibo cu mi a kies pa St. Paulus school.
Mi yiu grandi awor ta bai drenta Colegio y nos sa cu e ta bon prepara. E scol ta inverti hopi tempo tambe den nan ‘algemene ontwikkeling’ i ta hasi uso di differentiatie den nan manera di duna les. Tambe nos ta aprecia cu ta para keto y ta celebra differente dianan cultural den aña. Dianan manera Himno y Bandera, Carnaval, etc semper ta wordo celebra na maneranan hopi creativo.

Concluyendo mi ta hopi satisfecho cu nos escogencia di pone nos yiunan na St. Paulus School i lo recomenda e scol aki sigur !