E edificio di St. Paulus School ta existi mas cu 70 aña. Traha na 1949 inicialmente como un scol pa mucha homber ‘St. Augustinus College MULO’.

Na augustus 1964 a cambia e nomber pa ‘Paulusschool’ y tabata un scol basico pa mucha homber so. E prome cabesante tabata Sr. Fornara.
Na augustus 1971 e scol a bira un scol mixto, pues pa mucha homber y mucha muher. Tabata tin un tempo cu hasta tabata tin 2 kleuterklas conoci como Blenchi Kleuterschool.
Miles di mucha a haya nan educacion basico aki y ta ocupa posicionnan clave den nos comunidad.

Cabesantenan:
Sr. Fornara
Sr. De Bruyn
Sr. Emile Anthony 1972-1985
Sr. Maiky Croes 1986-2003
Sr. Randy Arends 2003-te awor.

Na aña 2003 a cambia e nomber di scol pa St. Paulus School.
Un renobacion grandi a tuma lugar na aña 2008. E dak completo a wordo baha y tur bentana y porta cambia pa aluminium.
Full e coriente a wordo renoba y prepara pa instalacion di airco den klas.
E bañonan tambe a wordo renoba y a instala tur cabelnan pa internet y intercom den klas.
A amplia e cantidad di lokalidadnan unda a traha un ‘lerarenkamer’ nobo y un oficina aserca. Un magazijn bieuw a wordo transforma den e oficina di e Guia Interno.
Tambe a traha un afdak cu ta brinda sombra durante pauze y tambe ta wordo usa pa presentacionnan y reunionnan.